‘நாங்கள் புது திட்டத்தோடு இன்று களமிறங்கினோம். ஆனால், அதுவும் வேலை செய்யவில்லை’ – ரேஹிட் ஓபன் டாக்

Cricket

ஐ.பி.எல் வரலாற்றில் 5 தடவைகள் சம்பியன் கிண்ணத்தை வென்ற மும்பை இந்தியன்ஸ் அணி 2022 ஐ.பி.எல் தொடரில் வரிசையாக 5 தோல்விகளை சந்தித்துள்ளது. ஐபிஎல் 15ஆவது சீசனின் 23ஆவது லீக் போட்டியில் மும்பை இந்தியன்ஸ், பஞ்சாப் கிங்ஸ் அணிகள் மோதின. இதில் டாஸ் வென்ற மும்பை இந்தியன்ஸ் முதலில் பந்துவீச்சைத் தேர்வு செய்தது. முதலில் களமிறங்கிய பஞ்சாப் கிங்ஸ் அணி 20 ஓவர்கள் முடிவில் 198-5 ரன்களை குவித்தது. அடுத்துக் களமிறங்கிய மும்பை இந்தியன்ஸ் அணியில் ஓபனர் ரோஹித் ஷர்மா 28 (17), இஷான் கிஷன் 3 (6) இருவரும் பெரிய ஸ்கோர் அ டிக்கவில்லை. 

அடுத்து டிவோல்ட் பிரேவிஸ் 49 (25), திலக் வர்மா 36 (20) இருவரும் பார்ட்னர்ஷிப் அமைத்து ரன்களை பறக்கவிட்டனர். தொடர்ந்து சூர்யகுமார் யாதவ் 30 பந்துகளில் 43 ரன்கள் எடுத்து ஆட்டமிழந்தார். மற்றவர்கள் சிறப்பாக சோபிக்கவில்லை. இறுதியில் மும்பை இந்தியன்ஸ் அணி 20 ஓவர்களில் 186-9 ரன்களை மட்டும் சேர்த்து, 12 ரன்கள் வித்தியாசத்தில் தோற்றது. இது மும்பை இந்தியன்ஸுக்கு தொடர்ச்சியாக 5ஆவது தோல்வியாகும். இதில் தோற்றப் பிறகு பேசிய ரோஹித், 

‘தவறை கண்டுபிடிப்பது சுலபமான விடயம் அல்ல. அனைவரும் சிறப்பாகத்தான் விளையாடினோம். வெற்றிக்கு நெருக்கமாக சென்று, இறுதியில் கோட்டைவிட்டுவிட்டோம். பஞ்சாப் கிங்ஸ் பௌலர்கள், இரண்டாவது பாதியில் சிறப்பாக பந்துவீசினார்கள். நாங்கள் புது திட்டத்தோடு இன்று களமிறங்கினோம். ஆனால், அது வேலை செய்யவில்லை’ எனக் கூறினார்.

மேலும் பேசிய அவர், ‘பஞ்சாப் கிங்ஸுக்கு நிச்சயம் கிரிடிட் கொடுத்தே ஆக வேண்டும். நாங்கள் இன்று சிறப்பாக விளையாடவில்லை. தொடர் தோல்விகள் வருத்தமாகத்தான் இருக்கிறது. இருப்பினும், அதிலிருந்து மீண்டு வந்து வெற்றிகளை குவிக்க முடியும் என்ற நம்பிக்கை இருக்கிறது. பிட்ச் சேஸிங்கிற்கு சாதகமாகத்தான் இருந்தது. 198 ரன்களை சேஸ் செய்திருக்க வேண்டும். தவறுகளை திருத்திக்கொண்டு, அடுத்து வலிமையோடு வருவோம்’ எனத் தெரிவித்தார்.

Leave a Reply

Your email address will not be published.