2022 ஐ.பி.எல் தொடரின் முதல் பாதி ஆட்டங்களை தவறவிடும் 10 வெளிநாட்டு வீரர்கள் லிஸ்ட் இதோ. காரணம் உள்ளே

Cricket

2022ஆம் ஆண்டுக்கான இந்தியன் ப்ரீமியர் லீக் கிரிக்கெட் தொடர் எதிர்வரும் 26ஆம் திகதி ஆரம்பமாகும் நிலையில் 10 வெளிநாட்டு வீரர்கள் 2022 ஐ.பி.எல் தொடரின் முதல் பாதி ஆட்டங்களை தவறவிடுவார்கள் என எதிர்பார்க்கப்படுகிறது.

அனைத்து அணிகளும் தீவிர வலைப்பயிற்சியில் ஈடுபட்டு வருகிறது. குறிப்பாக, பதினொருவர் அணியை தேர்வு செய்யும் பணியிலும் தீவிரம் காட்டி வருகிறார்கள். சில அணிகள் மெகா ஏலம் முடிந்த உடனேயே உத்தேச அணியை உருவாக்கி வைத்து, அதற்கேற்றாற்போல் பயிற்சி திட்டத்தை வகுத்து, பயிற்சியில் ஈடுபட்டு வருகிறார்கள். இந்நிலையில், அப்படி தேர்வு செய்து வைத்திருக்கும் அணியை, சில அணிகள் மாற்ற வேண்டிய கட்டாயம் ஏற்பட்டுள்ளது.

இதற்கு முக்கிய காரணம் இங்கிலாந்து, மேற்கிந்தியத் தீவுகள் இடையிலான தொடர் மற்றும் பாகிஸ்தான், ஆஸ்திரேலியா இடையிலான தொடர்தான். இங்கிலாந்து, மேற்கிந்தியத் தீவுகளுக்கு இடையிலான மூன்று போட்டிகள் கொண்ட டெஸ்ட் தொடர் மார்ச் 28ஆம் தேதி தான் நிறைவடைய உள்ளது. இதனால், இத்தொடரில் பங்கேற்றுள்ள ஐ.பி.எல் வீரர்கள் கைல் மேய்ர்ஸ், அல்ஜாரி ஜோசப், ஜானி பேர்ஸ்டோ ஆகியோர் முதல் வார ஐபிஎல் போட்டிகளில் பங்கேற்க வாய்ப்பில்லை.

கைல் மேய்ர்ஸ் லக்னோ அணிக்கும், அல்ஜாரி ஜோசப் குஜராத் அணிக்கும், பேர்ஸ்டோ பஞ்சாப் அணிக்கும் ஒப்பந்தமாகியுள்ளனர். மார்க் உட் உபாதை காரணமாக ஐபிஎலில் இருந்து விலகியுள்ளார். அடுத்து பாகிஸ்தான், ஆஸ்திரேலியா இடையிலான தொடர் ஏப்ரல் முதல் வாரம்வரை நடைபெறவுள்ளது. இத்தொடரில் பங்கேற்றுள்ள ஆரோன் பிஞ்ச், பாட் கம்மின்ஸ், கிளென் மேக்ஸ்வெல், ஜோஸ் ஹேசில்வுட், மார்க்கஸ் ஸ்டாய்னிஸ் ஆகியோர் முதல் வார ஐபிஎல் போட்டிகளில் பங்கேற்க வாய்ப்பில்லை.

பிஞ்ச், கம்மின்ஸ் ஆகியோர் கொல்கத்தா அணிக்கும், மேக்ஸ்வெல், ஹேசில்வுட் பெங்களூர் அணிக்கும், ஸ்டாய்னிஸ் லக்னோ அணிக்கும் ஒப்பந்தமாகியுள்ளனர். முதல் வார ஐபிஎல் போட்டிகளில் பங்கேற்க முடியாத வெளிநாட்டு வீரர்களின் லிஸ்ட்:

பாட் கம்மின்ஸ் – கொல்கத்தா அணி
ஆரோன் பிஞ்ச் – கொல்கத்தா அணி
கிளென் மேக்ஸ்வெல் – ஆர்சிபி அணி
ஹேசில்வுட் – ஆர்சிபி அணி
ஸ்டாய்னிஸ் – லக்னோ அணி
கைல் மேய்ர்ஸ் – லக்னோ அணி
மார்க் உட் – லக்னோ அணி (விலகல்)
அல்ஜாரி ஜோசப் – குஜராத் அணி
ஜேசன் ராய் – குஜராத் அணி (விலகல்)
ஜானி பேர்ஸ்டோ – பஞ்சாப் அணி

Leave a Reply

Your email address will not be published.